Qlütensiz plastilin/oyun xəmiri
Bütün məhsullar Ailə və uşaqlar
Uşaqlar da, böyüklər də, oyun xəmirini sevirlər. Lakin çölyak xəstəliyi və qeyri-çölyak qlüten həssaslığı olan uşaqlar üçün bu, ciddi problemlər yaradır.
Təbii, qlütensiz oyun xəmirini necə hazırlayacağınızı öyrənmək və ətrafınızdakı uşaqlara hamı kimi oyun vaxtından zövq almağa kömək etmək üçün oxumağa davam edin.
Plastilin qlütensizdir?
Play-Doh brendinin məhsulları da daxil olmaqla, adi oyun xəmiri buğda unundan hazırlanır və beləliklə, tərkibində qlüten var. Bu, çölyak xəstəliyi və çölyak olmayan qlütenə həssaslığı olan uşaqlar üçün böyük problemlər yaradır. Nə etsəniz də, onlar oyun sonrası barmaqlarını ağızlarına aparacaq və ya daha qorxulusu, kiçik də olsa bir parça yeyəcəklər, beləliklə də problem yaranacaq.
Nəticədə, qlütensiz pəhrizlərdə olan uşaqların əksəriyyəti adi oyun xəmirindən qaçınmalıdırlar, bu, isə ən yaxşı sənət və əyləncə növlərindən birinə haqsızlıqdır. Şəkilləndirmə, yuvarlama və formaları kəsmə kiçik təsəvvürləri işlətmək və motor bacarıqlarını inkişaf etdirməyə kömək etmək üçün əladır.
Qlütensiz plastilin/oyun xəmiri resepti
Yaxşı ki, qlütensiz oyun xəmiri mövcuddur. Mağazalarda satın da ala bilərsiniz, ancaq özünüz də çox asanlıqla düzəldə bilərsiniz. Bir konteynerdə və ya hermetik torbada havası çixarılmış şəkildə, uzun müddət qalır və alınma plastilindən daha ucuzdur. Həmçinin, onu istədiyiniz rəngdə düzəldə bilərsiniz! Sadəcə bizim sadə reseptimizə əməl edin və uşaqlarınıza evdə sənət və sənətkarlıqdan bəhrələnməyə kömək edin.
Tərkibi
- 460 q bikarbonat soda
- 120 q qarğıdalı unu
- 290 ml su
- qida boyası
Təlimatlar
- Bir qazanda qida boyasından başqa hər şeyi birlikdə qarışdırın. Tavanı orta atəşin üzərində, qarışıq qatılaşmağa başlayana qədər davamlı qarışdırın.
- Tavanı ocaqdan götürün və xəmiri doğrama taxtasına qoyun.
- Soyuduqdan sonra xəmiri dörd hissəyə bölün və hər birini top edin.
- Baş barmağınızla hər topun yuxarı hissəsindən basıb oyuq edin.
- Birinci topun üstünə istədiyiniz rəngdə beş-on damcı qida boyası əlavə edin. Bunu edərkən ləkələrin qarşısını almaq üçün rezin əlcəklər taxmaq və ətrafı qorumaq yaxşı olar.
- Rəng tamamilə qarışana qədər topu yoğurun – bu, bir az vaxt alacaq.
- Hər dəfə fərqli bir rəng istifadə edərək, digər üç topla təkrarlayın.
- Hey! Siz uşaqlarınıza onların həvəslə kreativ ideyalarını gerçəkləşdirə biləcəyi qlütensiz plastilin düzəltdiniz.
