Çölyak xəstəliyi olan iki yaşa qədər uşaqları müalicə etmək mümkündürmü?

Yenidoğulmuş körpələrdə çölyak xəstəliyi, əksər hallarda, tərkibində qlüten (mannı və s.) olan məhsulların qəbulundan sonra 3 aydan 6 aya qədər olur. Klassik simptomlara boy artımının dayanması və ya hətta çəki itkisi, iştahsızlıq, qusma və ishal aiddir. Mütəmadi bağırsaq işləməsi və ya tıxanması halında çölyak xəstəliyi  istisna edilə bilməz. Bir çox uşaqlarda şişmiş qarın xəstəliyin səciyyəvi simptomudur. Əhval-ruhiyyənin düşməsi, inildəmə və ya oyuna maraq göstərməməsi kimi hallar daim müşahidə altında saxlanılmalıdır. Xəstəlik ortaya çıxdıqda, uşaq yaşca nə qədər böyük olarsa, çölyak xəstəliyinin klassik əlamətlərini əks etdirməyən atipik hal müşahidə edə bilərsiniz. Xəstəlik bir simptomla da özünü göstərə bilər.

Uşaqlarda (adətən, iki yaşa qədər) çölyak xəstəliyinin “keçici çölyak” deyilən növünün  klinik, seroloji və histoloji testlər vasitəsi ilə diaqnozu qoyulur. Qlütensiz qidalanma test nəticələrini yaxşılaşdırmağa imkan verir. İllər keçdikdən sonra qida rasionuna qlüten tərkibli məhsullar daxil olarsa, xəstələrdə heç bir problem olmayacaqdır. Bağırsağın allergik və yoluxucu xəstəlikləri çölyak xəstəliyinin bu formasına görə daha çox əhəmiyyət kəsb edir.

Əgər çölyak xəstəliyi diaqnozu iki yaşından aşağı uşaqlara qoyulursa, bir çox mütəxəssislər yenidən qlüteni sınamağı məsləhət görürlər. “Keçici çölyak xəstəliyi” olan zaman qlüten qəbul edildikdən sonra pozuntular, ümumiyyətlə, yox olur, seroloji və ya histoloji reaksiya yaranmır. Bu vəziyyətdə çölyak xəstəliyi tez-tez səhv müalicə olunur. Çölyak xəstəliyi olan uşaqlarda genetik meyllilik yoxdursa, deməli, yanlış diaqnoz qoyulmuşdur. Buna görə də çölyak xəstəliyinin müalicəsi haqqında danışa bilmərik.